میں آفتاب کہوں یا اسے ستارہ لکھوں

میں آفتاب کہوں یا اسے ﷺ ستارہ لکھوں
اسے ﷺ لکھوں میں سمندر اسے ﷺ کنارہ لکھوں

زمانے بھر کی کڑی دھوپ کی تمازت میں
میں دوجہاں کا اسے آخری سہارا لکھوں

ہے اس ﷺ کے سوچ چراغوں کی روشنی میں لکھی
عبارتوں کے ہر اک لفظ کو ستارہ لکھوں

دلوں میں اسم محمد ﷺ کی جگمگاہٹ کو
جہاں میں بہتا ہوا روشنی کا دھارا لکھوں

میں کائنات کے ہر حسن کو حسن رضوی
جمال احمد ﷺ احمد مرسل کا استعارہ لکھوں

mein aftab kahun ya isy sitaarah likhun

.