کوئی تو ہے جو نظام ہستی چلا رھا ہے وہی خداہے

کوئی تو ہے جو نظام ہستی چلا رھا ہے وہی خداہے
دکھائی بھی جو نہ دے نظر بھی جو آ رھا ہے وہی خدا ہے
وہی ہے مشرق وہی ہے مغرب سفر کریں سب اسی کی جانب
ہر آئینے میں جو عکس اپنا دکھا رھا ہے وہی خدا ہے

تلاش اس کو نہ کر بتوں میں وہ ہے بدلتی ہوئی رتوں میں
جودن کو رات اور رات کو دن بنا رھا ہے وہی خدا ہے

نظر بھی رکھےسماعتیں بھی وہ جان لیتا ہے نیتیں بھی
جو خانہ لاشعور میں جگمگا رھا ہے وہی خدا ہے

کسی کو سوچوں نے کب سراھا وہی ہوا جو خدا نے چاھا
جو اختیار بشر پہ پہرے بٹھا رھا ہے وہی خدا ہے

کسی کو تاج وقار بخشے کسی کو ذلت کے غار بخشے
جوسب کے ماتھے پہ مہر قدرت لگا رھا ہے وہی خدا ہے

سفید اس کا سیاہ اس کا نفس نفس ہے گواہ اس کا
جو شعلہ جاں جلا رھا ہے بجھا رھا ہے وہی خداہے

koi to hai jo nizaam hasti chalaa raha hai wohi khuda hai

.