کوئی سلیقہ ہے آرزو کا

نعت رسول اللہ صلی اللہ علیہ و سلم
کوئی سلیقہ ہے آرزو کا نہ بندگی میری بندگی ہے

یہ سب تُمہارا کرم ہے آقاﷺ کہ بات اب تک بنی ہوئی ہے


عطا کیا مجھ کو دردِ اُلفت کہاں تھی یہ پُر خطا کی قِسمت

میں اس کرم کے کہاں تھا قابل حضورﷺ کی بندہ پروری ہے


عمل کی میرے اساس کیا ہے بجز ندامت کے پاس کیا ہے

رہے سلامت بس اُن کی نسبت مرا تو بس آسرا یہی ہے


اُنہی کے دَر سے خُدا مِلا ہے انہی سے اُس کا پتہ چلا ہے

وہ آئینہ جو خُدا نُما ہے جمالِ حسنِ حضور ہی ہے


تجلّیوں کے کفیل تُم ہو مرادِ قلبِ خلیل تُم ہو

خُدا کی روشن دلیل تُم ہو یہ سب تمہاری ہی روشنی ہے


بشیر کہیے نزیر کہیے اُنہیں سراجِ مُنیر کہیے

جو سر بسر ہے کلام ربّی وہ میرے آقاﷺ کی زندگی ہے


یہی ہے خالد اساس رحمت یہی ہے خالد بنائے رحمت

نبیﷺ کا عرفان زندگی ہے نبیﷺ کا عرفان بندگی ہے

Koi saleeqa hai aarzoo ka

Koi saleeqa hai aarzoo ka, na bandagi meri bandagi hai
Yeh sab tumhara qaram hai aaqa keh baat ab tak bani hui hai

Kissi ka ehsan kyon uthain, kissi ko haalat kyon batain
Tumhein se mangein gey tum hi do gey, tumhare dar se hi loo lagi hai

Ata kiya mujh ko darde-ulfat, kaha thi yeh pur khata ki qismat
Mein iss karam ke kaha tha qabil, huzur ki banda parwari hai

Shoor o fikro nazar ke dairey, had ka in se barh na paain
Na choo sake un balandiyon ko, jaha maqame Muhammadi hai

Tajaliyon ke kafeel tum ho, murad tu ke khalil tum ho
Khuda ki roshan dalil tum ho, yeh sab tumhari hi roshni hai

Bashir kahiye nazir kahiye, unhein siraje munir kahiye
Jo sar ba sar hai kalam-e-rabbi, woh merey aaqa ki zindagi hai

Ammal ki merey asas kiya hai, bajuz nadamat ke paas kiya hai
Rahe salamat tumhari nisbat, mera to ek aasra yehi hai

Hai Qaaba bhi marja-e-khalaiq, bohat numayan hai yeh haqaiq
Magar jo maqsoode-e-aashqi hai, huzur ke dar ki haazri hai

Yehi hai khalid asas rehmat, yehi hai khalid bina-e-azmat
Nabi ka irfan zindagi hai, nabi ka irfan bandagi hai.