خدائے پاک ربّ العالمیں ہے

خدائے پاک ربّ العالمیں ہے

محمدؐ رحمۃ اللعالمیں ہے



خدا میری رگِ جاں سے قریں تر

رسولِ پاکؐ میرے دل نشیں ہے



خدا کی اور محبوبِ خداؐ کی

محبت میرے دل میں جاگزیں ہے



خدا کا نور تن من میں سمایا

جھکی سرکارؐ کے در پر جبیں ہے



خدا ستّار بھی، غفّار بھی ہے

نبی اللہؐ، شفیع المذنبیں ہے



خدا سا اور محبوبِ خداؐ سا

نہیں، کوئی نہیں، کوئی نہیں ہے



ظفرؔ کی خلوتوں میں، جلوتوں میں

خدا موجود، ختم المرسلیںؐ ہے

Khuda e paak Rabb ul aalmein hai

.