جو یہاں پر صاحبِ ایمان ہے

جو یہاں پر صاحبِ ایمان ہے

آپ کی ناموس پر قربان ہے

خاتمہ پھر کیوں نہ ہو ایمان پر

آپ کی الفت ہی جب ایقان ہے

سیرتِ قدسی کی کیا تفسیر ہو

آپ کی ہر، ہر ادا قرآن ہے

یاس کہ تاریکیاں کیوں نہ چھٹیں

سبز جالی جب درِ امکان ہے

آپ کا نقشِ قدم ہے زندگی

جادہ ء ہستی بہت آسان ہے

وحدت و کثرت کا سارا فلسفہ

گنبدِ خضرا ترا وجدان ہے

دو کمانوں کی طوالت، اور بس

دیدہ ء دل آج تک حیران ہو

آپ کی باتیں ہیں مصری کی ڈلی

آپ کا لہجہ سحر قرآن ہے

jo yahan par sahib e iman he

.