جب بھی ذِکرِ رسولؐ ہوتا ہے

جب بھی ذِکرِ رسولؐ ہوتا ہے

رحمتوں کا نزول ہوتا ہے



یاد اُنؐ کی سہارا دیتی ہے

دِل مرا جب ملول ہوتا ہے



جب بھی پڑھتا ہوں میں درُود و سلام

دِل مرا کھِل کے پھُول ہوتا ہے



اسمِ احمدؐ کا صدقہ حرفِ دعا

مستجاب و قبول ہوتا ہے



جو بھی دیتا ہے مُجھ کو میرا خُدا

اُنؐ کے در سے وصول ہوتا ہے



جس جگہ بھی ہو ذِکر جنت کا

ذِکرِ زہرا بتولؓ ہوتا ہے



آپؐ کے پیار کا ظفرؔ! سن لو

عاشقوں کو حصول ہوتا ہے

jab bhi zikr e rasool hota hai

.