جادہء مدینہ ہے اور کارواں اپنا

جادہء مدینہ ہے اور کارواں اپنا​
عزم ہمسفر اپنا، شوق ہم عِناں اپنا​
​
رحمتِ دوعالم ہے ، فخرِ مرسلاں اپنا​
رہبروں کا رہبر ہے میرِ کارواں اپنا​
​
جب سے ارضِ طیبہ کو ہم نے محترم جانا​
احترام کرتا ہے تب سے آسماں اپنا​
​
شاید اِس طرف سے وہ سیرِ عرش کو جائیں​
راستہ بدلتی ہے روز کہکشاں اپنا​
​
ڈھل گیا حضوری میں کربِ دوریءِ منزل​
لے اڑا ہمیں آخر شوقِ پَر فشاں اپنا​
​
روضہء محمدؐ پھر روضہء محمدؐ ہے​
خلد کے عوض کیوں دوں گلشنِ جہاں اپنا​
​
میں ایاز ہوں اُن کا میں غلام ہوں اُن کا​
کر لیا دوعالم کو میں نے ہم زباں اپن

jaadah e madina hai or kaarwan apna

.