جا زندگی مدینے سے جھونکے ہوا کے لا
Ja zindagi Madiny sy jhonky hawa ky laa
جا زندگی مدینے سے جھونکے ہوا کے لا
جا زندگی مدینے سے جھونکے ہوا کے لا
شاید حضور ہم سے خفا ہیں منا کے لا
کچھ ہم بھی اپنا چہرۂ باطن سنوار لیں
بوبکر ؓ سے کچھ آئینے صدق و صفا کے لا
دنیا بہت ہی تنگ مسلماں پہ ہوگئی
فاروق ؓ کے زمانے کے نقشے اٹھا کے لا
محروم کر دیا ہمیں جن سے نگاہ نے
عثمان ؓ سے زاویے زرا شرم و حیا کے لا
مغرب میں مارا مارا نہ پھر اے گدائے علم
دروازۂ علی ؓ سے یہ خیرات جا کے لا
باطل سے دب رہی ہے پھر اُمت رسول کی
منظر ذرا حسین سے کچھ کربلا کے لا
کرنا ہے اپنے آپ کو آراستہ اگر
کردار اپنے سامنے سب اولیاء کے لا
یہ جنگِ کفر و حق ہے اگر تجھ کو جیتنی
ہر نوجواں کو قاسم و طارق بنا کے لا
سجدہ میں گڑ گڑا یا محمد کے پیر پڑ
جا اور جلد رحمتِ حق کو بلا کے لا
کس منہ سے پیش ہوگا “مظفر”حضورِ حق
اِس کو شہیدِ اُسوۂ آقا ﷺ بنا کے لا
Ja zindagi Madiny sy jhonky hawa ky laa
.
Popular Tags
Ja zindagi Madiny sy jhonky hawa ky laa lyrics,
Read Ja zindagi Madiny sy jhonky hawa ky laa naat lyrics,
ReadJa zindagi Madiny sy jhonky hawa ky laa online