ہم جو تمہیدِ ثنا باندھتے ہیں ​

ہم جو تمہیدِ ثنا باندھتے ہیں ​
ایک اُمّی کی عطا باندھتے ہیں ​
​
ہم کہاں ا ور کہاں نعتِ رسول ​
"ہم بھی اک اپنی ہوا باندھتے ہیں "​
​
مرحبا حسنِ قِدم کی مدحت​
روز مضمون نیا باندھتے ہیں ​
​
تابِ خورشیدِ رسالت کی قسم ​
ہم تو سورج کو دیا باندھتے ہیں ​
​
مدحِ آقا میں حریمِ دل کو​
خلوتِ غارِ حرا باندھتے ہیں ​
​
پر کشا ہوتا ہے طیبہ کا خیال​
رختِ جاں سوئے بقا باندھتے ہیں ​
​
پاؤں رکھتے ہیں رہِ طیبہ میں ​
سر پہ دستارِ ہوا باندھتے ہیں ​
​
ہم کہ ہیں لطف کشِ عشقِ رسول​
دل سے پیمانِ وفا باندھتے ہیں​
​
جوشِ مدحت میں رگِ جاں سے ایاز​
رشتہء حرفِ ثنا باندھتے ہیں ​
​

ham jo tamheed e sanaa bandhty hain

.