فاصلوں کو تکلف ہے ہم سے اگر

نعت رسول کریم صلی اللہ علیہ وآلہ وسلم
فاصلوں کو تکلف ہے ہم سے اگر ، ہم بھی بے بس نہیں ، بے سہارا نہیں

خود اُنھی کو پُکاریں گے ہم دُور سے ، راستے میں اگر پاؤں تھک جائیں گے


ہم مدینے میں تنہا نکل جائیں گے اور گلیوں میں قصدا بھٹک جائیں گے

ہم وہاں جا کے واپس نہیں آئیں گے ، ڈھونڈتے ڈھونڈتے لوگ تھک جائیں گے


جیسے ہی سبز گنبد نظر آئے گا ، بندگی کا قرینہ بدل جائے گا

سر جُھکانے کی فُرصت ملے گی کِسے ، خُود ہی پلکوں سے سجدے ٹپک جائیں گے


نامِ آقا جہاں بھی لیا جائے گا ، ذکر اُن کا جہاں بھی کیا جائے گا

نُور ہی نُور سینوں میں بھر جائے گا ، ساری محفل میں جلوے لپک جائیں گے


اے مدینے کے زائر خُدا کے لیے ، داستانِ سفر مُجھ کو یوں مت سُنا

بات بڑھ جائے گی ، دل تڑپ جائے گا ، میرے محتاط آنسُو چھلک جائیں گے


اُن کی چشمِ کرم کو ہے اس کی خبر ، کس مُسافر کو ہے کتنا شوقِ سفر

ہم کو اقبال جب بھی اجازت ملی ، ہم بھی آقا کے دربار تک جائیں گے

Faslon ko takalluf hai hamse agar

Faslon ko takalluf hai hamse agar
Ham bhi bebas nahi besahara nahi

Khud unhi ko pukarenge hum door se
Raste me agar paaon thak jaayenge

Hum madine me tanha nikal jaayenge
Aur galiyon me qasdan bhatak jaayenge

Ham wahan jake wapas nahi ayenge
Dhoondhte dhoondhte log thak jaayenge

Jaise hi sabz gumbad nazar ayega
Bandagi ka qarina badal jayega

Sar jhukane ki fursat milegi kise
Khud hi palkon se sajde tapak jaayenge

Naam-e-aaqa jahan bhi liya jayega
Zikr unka jahan bhi kiya jayega

Noor hi noor seeno me bhar jayega
Sari mahfil me jalwe lapak jaayenge

Ae madine ke zayer khuda ke liye
Dastan-e-safar mujh ko yun mat suna

Baat badh jayegi dil tadap jayega
Mere muhtat aansoo chhalak jaayenge

Unki chashm-e-karam ko hai is ki khabar
Kis musafir ko hai kitna shouq-e-safar

Hum ko Iqbal jab bhi ijazat mili
Hum bhi aaqa ke darbar tak jaayenge

Faslon ko takalluf hai hamse agar
Ham bhi bebas nahi besahara nahi

Khud unhi ko pukarenge hum door se
Raste me agar paaon thak jaayeng.