ایسی ادا سے آج تُو عشق کو انقلاب دے

ایسی ادا سے آج تُو عشق کو انقلاب دے
رخ سے اٹھا نقاب کو، حسن کو آب و تاب دے

عقل ہوئی ہے حکمراں، محفلِ کائنات کی
عقل کو بد حواس کر، قلب کو اضطراب دے

اٹھتے ہیں میرے قلب سے، تیرے شرارِ عشق اب
میرے چراغِ ماند کو رونقِ آفتاب دے

خاکِ وجود خشک ہے، بحرِ شعور خشک ہے
روحِ وجود ایک بار جلوہِ بے حجاب دے

حافظِؔ عشق باز کے قلب کو کیوں سکوں ملے
لحظہ بہ لحظہ اک نیا زلف کو پیچ و تاب دے

esi ada se aaj tu ishq ko inqilab de

.