الہٰی وہ زباں دے جو ثناء خواں محمدﷺ ہو

الہٰی وہ زباں دے جو ثناء خواں محمدﷺ ہو
ثناء ایسی جوہر آئینہ شایان محمدﷺ ہو

وہ جان پاک دے یارب جو قربان محمدﷺ ہو
وہ دل دے جو شکار تیر مژگان محمدﷺ ہو

جنون عشق و گرما گرمی سوز محبت سے
یہ آوارہ ہو اور دشت و بیابان محمدﷺ ہو

شراب شوق سے لبریز ہو پیمانہ الفت
نگار حسن ہو میں ہوں خیابان محمدﷺ ہو

مقام "لی مع اللہ” تک بھلا کس کی رسائی ہو
جب اس خلوت کدہ میں خاص جانان محمدﷺ ہو

بدل جائے شب بخت سیہ صبح دل آراء سے
اگر جلوہ نما روئے درخشاں محمدﷺ ہو

علیم خستہ جان تنگ آگیا ہے درد ہجراں سے
الہٰی کب وہ دن آئے کہ مہمان محمدﷺ ہو

Elaahi wo zuban dy jo sanaa khwan e Muhammad saw ho

.