دکھا دو اب رُخِ انور خدارا یارسولؐ اللہ

دکھا دو اب رُخِ انور خدارا یارسولؐ اللہ
چمکتا نور کا پیکر خدارا یارسولؐ اللہ

سنہری جالیاں چوموں کبھی سینے لگاؤں میں
نہ ٹھہرے عشق کا ساگر خدارا یارسولؐ اللہ

محبت میں عقیدت میں عبادت میں ریاضت میں
کوئی تم سے نہ ھو بڑھ کر خدارا یارسولؐ اللہ

تری چوکھٹ سے وابستہ مرے دونوں جہاں آقا
بھٹکنے سے بچا در در خدارا ۔ یا رسولؐ اللّه

زمانے کی کوئی مشکل اگر رستے میں آ جا ئے
ترا ہی ہاتھ ھو سر پر خدارا یا رسولؐ اللّه

دم ِ آخر مجھے گنبد کے سا ئے میں جگہ دینا
میں دیکھوں روضہ ءِ اطہر خدارا یا رسولؐ اللّه

ھو محشر جس گھڑی برپا پیاسی تیری ھو امت
ترے ہاتھوں ملے کوثر خدارا ۔ یارسولؐ اللہ

چمکتا چاند سا چہرہ سیہ زلفیں حسیں عارض
دکھا یہ دلنشیں منظر ۔ خدارا یارسولؐ اللہ

dikha do ab rukh e anwar Khudara ya Rasool Allah saww

.