ڈھونڈتا پھرتا ہوں رحمت آپ ﷺ کی

ڈھونڈتا پھرتا ہوں رحمت آپ ﷺ کی
مجھ کو ہے کتنی ضرورت آپ ﷺ کی

ختم ہوتی ہی نہیں دولت مری
میری دولت ہے محبت آپ ﷺ کی

روشنی آئی گواہی کے لیے
دن کا چہرہ ہے صداقت آپ ﷺ کی

جھک گیا ہے آپ ﷺ کی جانب فلک
جب سے دیکھی ہے اس نے عظمت آپ ﷺ کی

میں کہاں اور آپ ﷺ کی مدحت کہاں
جب خدا کرتا ہے مدحت آپ ﷺ کی

جن کو جنت چاہیے ان کو ملے
چاہئے مجھ کو تو رحمت آپ ﷺ کی

مل گئے ہیں مجھ کو جینے کے اصول
ملک اللہ کا شریعت آپ ﷺ کی

dhoondta phirta hoon rehmat aap saww ki

.