در سے غلام آپ کے سر کو اٹھائے کس طرح​

در سے غلام آپ کے سر کو اٹھائے کس طرح​
چھوڑ کے آپ کا دیار جائیں تو جائیں کس طرح​
​
آنکھ کو گر منا لیا ، دل کو منائیں کس طرح​
فصل بہار لٹ چکی پھول کھلائیں کس طرح​
​
چوم کے خاک طیبہ ہم بھول گئے تھے سارے غم​
پھر سے غم حیات میں دل کو پھسائیں کس طرح​
​
آپ کے در کی حاضری اہل جنوں کی عید تھی​
کعبہ دل کو چھوڑ کر عید منائیں کس طرح​
​
لوٹ کے اب چلے غلام لیجیئےآخری سلام ​
پھر یہ غلام آپ کے لوٹ کے آئیں کس طرح​
​
گمبند سبز دیکھ کر روح میں کیف سر بسر​
صبروقرار اے ادیب روح میں لائیں کس طرح​

dar se ghulaam aap ke sar ko uthaye kis tarah

.