درِ آقاؐ پہ شب و روز کی زنجیر نہیں ​

درِ آقاؐ پہ شب و روز کی زنجیر نہیں ​
یہ وہ منزل ہے جہاں وقت عِناں گیر نہیں ​
​
جالیاں ، قصرِ سرِ عرش کے دروازے ہیں ​
گنبدِ سبز سے اونچی کوئی تعمیر نہیں ​
​
روز آتی ہے عیادت کو نسیمِ طیبہ​
کون کہتا ہے مِری آہ میں تاثیر نہیں ​
​
وہ برابر مِری جانب نگراں رہتے ہیں ​
حادثاتِ متواتر سے میں دل گیر نہیں ​
​
للہ الحمد کہ سرکارؐ کی مدحت کے سوا ​
کچھ مِرے نامہء اعمال میں تحریر نہیں ​
​
خانہء دل میں بجز جلوہِ محبوبِ خدا​
کوئی خاکہ کوئی صورت کوئی تصویر نہیں ​
​
سنگِ دیوارِ مصائب سے نہ سر پھوڑ ایاز ​
درِ اقدس پہ پہنچنے کی یہ تدبیر نہیں ​

dar e Aaqa saww py shab o roz ki zanjeer nahi

.