بہار جاں فزا تم ہو نسیم گلستاں تم ہو

بہار جاں فزا تم ہو نسیم گلستاں تم ہو
بہار باغ رضواں تم سے ہے زیب جناں تم ہو

خدا کی سلطنت کا دو جہاں میں کون دولہا ہے
تمہی تم ہو تمہی تم ہو یہاں تم ہو وہاں تم ہو

حقیقت سے تمہاری جز خدا اور کون واقف ہے
کہے تو کیا کہے کوئی چنیں تم ہو چناں تم ہو

کجا ہم خاک افتادہ کجا تم اے شہہ بالا
اگر مثل زمیں ہم ہیں تو مثل آسماں تم ہو

یہ کیا میں نے کہا مثل سما تم ہو معاذاللہ
منزہ مثل سے ، برتر ز ہر وہم و گماں تم ہو

میں بھولا آپ کی رفعت سے نسبت ہی ہمیں کیا ہے
وہ کہنے بھر کی نسبت تھی کہاں ہم ہیں کہاں تم ہو

میں بے کس ہوں میں بے بس ہوں مگر کس کا تمہارا ہوں
تہہ دامن مجھے لے لو پناہ بے کساں تم ہو

ہمیں امید ہے روز قیامت ان کی رحمت سے
کہ فرمائیں ادھر آؤ نہ مایوس از جناں تم ہو

ستم کارو، خطا کارو ، سیہ کارو، جفا کارو
ہمارے دامن رحمت میں آ جاؤ کہاں تم ہو

تمہارے ہوتے ساتے درد و دکھ کس سے کہوں پیارے
شفیع عاصیاں تم ہوں وکیل مجرماں تم ہو

ریاضت کے یہی دن ہیں بڑھاپے میں کہاں ہمت
جو کچھ کرنا ہے اب کر لو ابھی نوری جواں تم ہو

فقط نسبت کا جیسا ہوں حقیقی نوری ہو جاؤں
مجھے جو دیکھے کہہ اٹھے میاں نوری میاں تم ہو

bahaar jaan faza tum ho naseem e gulistan tum ho

bahhar jaan fza tum ho Naseem gulisitan tum ho
bahhar baagh رضواں tum se hai Zaib جناں tum ho

kkhuda ki saltanat ka do jahan mein kon dulha hai
tumhi tum ho tumhi tum ho yahan tum ho wahan tum ho

haqeeqat se tumhari juz kkhuda aur kon waaqif hai
kahe to kya kahe koi chunain tum ho chana tum ho

kuja hum khaak aftada kuja tum ae sheh baala
agar misl zamee hum hain to misl aasmaa tum ho

yeh kya mein ne kaha misl sama tum ho maazallah
munazza misl se, bartar zay har vahm o guma tum ho

mein bhola aap ki Riffat se nisbat hi hamein kya hai
woh kehnay bhar ki nisbat thi kahan hum hain kahan tum ho

mein be kis hon mein be bas hon magar kis ka tumhara hon
teh daman mujhe le lo panah be کساں tum ho

hamein umeed hai roz qayamat un ki rehmat se
ke farmaen idhar aao nah mayoos az جناں tum ho

sitam karo, khata karo, siya karo, jfaa karo
hamaray daman rehmat mein aa jao kahan tum ho

tumahray hotay ساتے dard o dukh kis se kahoon pyare
Shafi عاصیاں tum hon wakeel مجرماں tum ho

riyazat ke yahi din hain burhapay mein kahan himmat
jo kuch karna hai ab kar lo abhi noori jawaa tum ho

faqat nisbat ka jaisa hon haqeeqi noori ho jaoon
mujhe jo dekhe keh utthay miyan noori miyan tum ho.