آیا ہوں آج آپؐ کا دربار دیکھ کر

آیا ہوں آج آپؐ کا دربار دیکھ کر​
حیراں ہوں ‘اپنی طاقتِ دیدار دیکھ کر”​
​
میں سنگِ بے عیار تھاآئینہ بن گیا​
اُس شہرِ نور کے در و دیوار دیکھ کر​
​
اللہ رے جمالِ محمدؐ فلک فلک​
حور و مَلَک ہیں نقش بہ دیوار دیکھ کر​
​
اب ڈھونڈتے ہیں نقشِ کفِ پائے مصطفؐےٰ​
چلتے جو تھے ستاروں کی رفتار دیکھ کر​
​
گرمِ سفر ہیں لوگ رہِ مستقیم پر ​
حسنِ سلوک قافلہ سالار دیکھ کر​
​
میں اپنے دل کے غارِ حرا میں ہوں محوِ دید​
لوگ آرہے ہیں روضہء سرکار دیکھ کر​
​
اچھا ہوا کہ مقطعِ جاں آگیا ایاز ​
کیا دیکھتے ، وہ” مطلعِ انوار دیکھ کر "​

aya hoon aaj Aap saww ka darbaar dykh kar

.