اللہ رے فیضِ عام شہِ خوش نگاہ کا​

اللہ رے فیضِ عام شہِ خوش نگاہ کا​
ذروں کو رنگ و نور دیا مہر و ماہ کا​
​
اُس کی بلندیوں کی کوئی انتہا نہیں​
دربان جبرئیل ہو جس بارگاہ کا​
​
مشاّطگیءِ باغِ جہاں آپ ہی سے ہے​
"بے شانہء صبا نہیں طرّہ گیاہ کا”​
​
مجھ پر بھی ہے نگاہِ کرم شہرِ علم کی ​
مدحت سرا ہوں میں بھی شہِ عرش جاہ کا​
​
اذنِ سفر ملے تو چُنوں ایک ایک خار​
ہر خار برگِ گل ہے مدینے کی راہ کا​
​
شہرِ نبیؐ کی آب و ہوا چاہئے مجھے​
دارالشفا وہی ہے مِرے اشک و آہ کا​
​
آیا خیالِ گنبدِ خضرا جہاں ایاز ​
جلووں سے بھر گیا وہیں دامن نگاہ کا​
​

Allah ry faiz e aam shah e khush nigah ka

.