اچھے خاصے لوگوں پر بھی وقت اک ایسا آجاتا ہے

اچھے خاصے لوگوں پر بھی وقت اک ایسا آجاتا ہے

اور کسی پر ہنستے ہنستے خود پر رونا آجاتا ہے



کبھی کبھی تو اس کے پیار سے ہمدردی کی بو آتی ہے

کبھی کبھی تو اس کے پیار پہ مجھ کو غصہ آجاتا ہے



ویسے تو ایمان ہے میرا ان بانہوں کی گنجائش پر

دیکھنا یہ ہے اس کشتی میں کتنا دریا آجاتا ہے



پھر اپنی آہستہ روی بھی زعم کا باعث بن جاتی ہے

انگلی تھام کے چلتے چلتے آخر چلنا آجاتا ہے



ہوتے ہوتے محرومی کی وادت کیسے ہوجاتی ہے

آدھا رزق ہمارے گھر میں کیسے پوراآجاتا ہے

achy khase logon par bhi waqt ik esa aajata he

.