اب کے میں روضۂ سرکار سے ہو آیا ہوں

اب کے میں روضۂ سرکار سے ہو آیا ہوں

اتنا خوش بخت کہ دربار سے ہو آیا ہوں

اتنا سبزہ ہے طراوت نہیں جاتی دل سے

میں مدینے کے چمن زار سے ہو آیا ہوں

اب کوئی ایک بھی منظر نہ جچے آنکھوں میں

آپ کے کوچہ و بازار سے ہو آیا ہوں

ایک غنچہ بھی سرِشاخِ تکلّم نہ کھلے

جانے کس عالمِ اسرار سے ہو آیا ہوں

کاسۂ چشم مناظر سے بھرا ہے باسط

جب سے میں قریۂ انوار سے ہو آیا ہوں

ab ke main roza e Sarkaar se ho aaya hun

.