آقا جو محمد ﷺ ہے عرب اور عجم کا

آقا جو محمد ﷺ ہے عرب اور عجم کا
بے مثل نمونہ ہے مروت کا کرم کا

حاصل ہے جنہیں تیرے غلاموں کی غلامی
لیتے نہیں وہ نام کبھی قیصر و جم کا

کہتے ہیں جسے اہل جہاں احمد ﷺ مرسل
دریا ہے وہ الفت کا وہ منبع ہے کرم کا

جلوے سے تیرے تیرگی دہر ہوئی گم
دنیا کا عجب اختر تقدیر ہے چمکا

جس قوم کی جانب سے تیری چشم عنایت
اس کو نہیں ارماں دینار و درم کا

فردوس نظر ہے تیرے مسکن کی زیارت
روضہ تیرا دنیا میں بدل باغ ارم کا

کیا دل سے بیاں ہوں تیرے اخلاق کی توصیف
عالم ہوا مداح تیرے لطف و کرم کا

Aaqa jo Muhammad saww hai arab or ajam ka

.