آنکھوں میں نور دل میں بصیرت ہے آپ ﷺ سے

آنکھوں میں نور دل میں بصیرت ہے آپ ﷺ سے
میں خود تو کچھ نہیں مری قیمت ہے آپ ﷺ سے

ہے آپ ﷺ ہی کے دم سے ایمان کی زمیں
اور دین کی یہ چھت بھی سلامت آپ ﷺ سے

ہے آپ ﷺ کا کرم یہ مری خواہش نمو
گو خاک ہوں مگر مجھے نسبت ہے آپ ﷺ سے

یہ آپ ﷺ ہی کا فیض دلوں کا گداز ہے
ان برف کی تہوں میں حرارت ہے آپ ﷺ سے

جب آپ ﷺ نے دکھائیں تو راہیں دکھائی دیں
یعنی دل و نگاہ کی وسعت ہے آپ ﷺ سے

اس مہر و مہ سے تیرہ شبی کم نہیں ہوئی
دنیا کو روشنی کی ضرورت ہے آپ ﷺ سے

تسخیر کائنات مرا منتہا نہیں
مجھ کو تو صرف آپ ﷺ کی حاجت ہے آپ ﷺ سے

aankhon mein noor dil mein baseerat hai Aap saww ki

.