عابد ہے ایک وصف یہی مجھ میں کام کا

عابد ہے ایک وصف یہی مجھ میں کام کا
ہوں نعت گو حضور ﷺ علیہ السلام کا

مجھ پر خدائے پاک کا احساں ہے کس قدر
لب پر ہے درد شام و سحر ان ﷺ کے نام کا

اس ﷺ پر سلام لاکھوں تکالیف سہ کے جو
لایا نہیں خیال کبھی انتقام کا

ممنون اس کے لطف و کرم کی ہے کائنات
ہر شے میں نور ہے اسی ماہ تمام کا

سوتا نہیں ہے رات کو بھوکا کوئی بشر
یہ خاصا تو ہے سرور ﷺ دیں کے نظام کا

عابدؔ نہیں ہے اور مری کوئی آرزو
خواہاں ہوں میں حضور ﷺ کے فیض دوام کا

aabad hy aik wasaf yehi mujh mein kaam ka

.