Hadith in Arabic

(۷۶۲۴)۔(وَمِنْ طَرِیْقٍ ثَانٍٍ) عَنْ شُعْبَۃَ عَنْ زِیَادِ بْنِ عِلَاقَۃَ عَنْ اُسَامَۃَ بْنِ شَرِیْکٍ رضي الله عنه قَالَ: اَتَیْتُ النَّبِیَّ صلى الله عليه وآله وسلم وَاَصْحَابُہُ عِنْدَہُ کَأَنَّمَا عَلٰی رُئُ وْسِہِمُ الطَّیْرُ، قَالَ: فَسَلَّمْتُ عَلَیْہِ وَقَعَدْتُ، قَالَ: فَجَائَ تِ الْأَعْرَابُ فَسَأَلُوہُ، فَقَالُوْا: یَا رَسُولَ اللّٰہِ!! نَتَدَاوٰی؟ قَالَ: ((نَعَمْ تَدَاوَوْا، فَإِنَّ اللّٰہَ لَمْ یَضَعْ دَائً إِلَّا وَضَعَ لَہُ دَوَائً غَیْرَ دَائٍ وَاحِدٍ الْہَرَمِ وَفِیْ رِوَایَۃٍ اِلاَّ الْمَوْتَ وَالْھَرَمَ۔)) قَالَ: وَکَانَ أُسَامَۃُ حِینَ کَبِرَ، یَقُولُ: ہَلْ تَرَوْنَ لِی مِنْ دَوَائٍ الْآنَ؟ قَالَ: وَسَأَلُوْہُ عَنْ أَشْیَائَ ہَلْ عَلَیْنَا حَرَجٌ فِی کَذَا وَکَذَا قَالَ: ((عِبَادَ اللّٰہِ وَضَعَ اللّٰہُ الْحَرَجَ إِلَّا امْرَأً اقْتَضَی امْرَأً مُسْلِمًا ظُلْمًا فَذٰلِکَ حَرَجٌ وَہُلْکٌ۔)) قَالُوْا: مَا خَیْرُ مَا أُعْطِیَ النَّاسُ یَا رَسُولَ اللّٰہِ! قَالَ: ((خُلُقٌ حَسَنٌ۔)) (مسند احمد: ۱۸۶۴۵)

Hadith in Urdu

۔ (دوسری سند) شعبہ، زیاد بن علاقہ سے اور وہ سیدنا اسامہ بن شریک ‌رضی ‌اللہ ‌عنہ سے بیان کرتے ہیں کہ انھوں نے کہا: میں نبی کریم ‌صلی ‌اللہ ‌علیہ ‌وآلہ ‌وسلم کے پاس آیا، جبکہ آپ ‌صلی ‌اللہ ‌علیہ ‌وآلہ ‌وسلم کے پاس آپ کے صحابۂ کرام بھی موجود تھے، وہ ایسے باادب بیٹھے تھے جیسے کہ ان کے سروں پر پرندے بیٹھے ہوئے ہیں، میں نے آپ ‌صلی ‌اللہ ‌علیہ ‌وآلہ ‌وسلم پر سلام کہا اور وہاں بیٹھ گیا، ایک دیہاتی آیا اور اس نے آپ ‌صلی ‌اللہ ‌علیہ ‌وآلہ ‌وسلم سے سوال کیا: اے اللہ کے رسول! کیا ہم علاج کروا سکتے ہیں؟ آپ ‌صلی ‌اللہ ‌علیہ ‌وآلہ ‌وسلم نے فرمایا: ہاں! علاج کرواؤ یا کرو، بے شک اللہ تعالیٰ نے جو بیماری بھی پیدا کی ہے، اس کا علاج بھی پیدا کیا ہے، صرف بڑھاپے کا (اور ایک روایت کے مطابق موت کا بھی) کوئی علاج نہیں۔ جب سیدنا اسامہ ‌رضی ‌اللہ ‌عنہ بوڑھے ہو گئے تو وہ کہتے تھے: کیا اب تم میرا علاج کر سکتے ہو۔اس کے علاوہ دیہاتیوں نے آپ ‌صلی ‌اللہ ‌علیہ ‌وآلہ ‌وسلم سے پوچھا کہ فلاںفلاں چیز میں کوئی حرج ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: اے اللہ کے بندو! اللہ تعالیٰ نے دین میں حرج رکھی ہی نہیں، مگر اس معاملہ میں حرج ہے جو مسلمان ظلم کرتا ہے، یہ حرج ہے، یہ ہلاکت ہے۔ انہوں نے کہا: اے اللہ کے رسول! سب سے بہتر کیا چیز ہے، جو لوگوں کو عطا کی گئی ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: اچھے اخلاق۔

Hadith in English

.