Hadith in Arabic

(۷۵۸۳)۔عَنْ عَدِیِّ بْنِ حَاتِمٍ قَالَ قُلْتُ: یَا نَبِیَّ اللّٰہِ! إِنَّا أَہْلُ صَیْدٍ، فَقَالَ: ((إِذَا رَمٰی َٔحَدُکُمْ بِسَہْمِہِ فَلْیَذْکُرْ اسْمَ اللّٰہِ تَعَالٰی فَإِنْ قَتَلَ فَلْیَأْکُلْ وَإِنْ وَقَعَ فِی مَائٍ فَوَجَدَہُ مَیْتًا فَلَا یَأْکُلْہُ فَإِنَّہُ لَا یَدْرِی لَعَلَّ الْمَائَ قَتَلَہُ فَإِنْ وَجَدَ سَہْمَہُ فِی صَیْدٍ بَعْدَ یَوْمٍ أَوْ اثْنَیْنِ وَلَمْ یَجِدْ فِیہِ أَثَرًا غَیْرَ سَہْمِہِ فَإِنْ شَائَ فَلْیَأْکُلْہُ قَالَ وَإِذَا أَرْسَلَ عَلَیْہِ کَلْبَہُ فَلْیَذْکُرْ اسْمَ اللّٰہِ عَزَّ وَجَلَّ فَإِنْ أَدْرَکَہُ قَدْ قَتَلَہُ فَلْیَأْکُلْ وَإِنْ أَکَلَ مِنْہُ فَلَا یَأْکُلْ فَإِنَّہُ إِنَّمَا أَمْسَکَ عَلٰی نَفْسِہِ وَلَمْ یُمْسِکْ عَلَیْہِ وَإِنْ أَرْسَلَ کَلْبَہُ فَخَالَطَ کِلَابًا لَمْ یَذْکُرِ اسْمَ اللّٰہِ عَلَیْہَا فَلَا یَأْکُلْ فَإِنَّہُ لَا یَدْرِی أَیُّہَا قَتَلَہُ۔)) (مسند احمد: ۱۹۶۰۷)

Hadith in Urdu

۔ سیدنا عدی بن حاتم ‌رضی ‌اللہ ‌عنہ بیان کرتے ہیں میں نے کہا: اے اللہ کے نبی! ہم شکاری لوگ ہیں، اس بارے میں آپ ہمیں ہدایات دیں، آپ ‌صلی ‌اللہ ‌علیہ ‌وآلہ ‌وسلم نے فرمایا: جب تم میں سے کوئی شکار پر اپنا تیر پھینکے تو وہ بسم اللہ پڑھ لے، اگر وہ تیر شکار کو مار بھی دے، پھر بھی کھا لو، لیکن اگر وہ شکار زخمی ہو کر پانی میں گر جائے اور وہیں مر جائے تو پھر نہیں کھانا، کیونکہ ہو سکتا ہے وہ پانی میں ڈوب کر مرا ہو، اور اگرشکار میں تیر لگا ہو اور وہ ایک دو دن بعد میں ملا ہو اور اس میں سوائے تمہارے تیر کے کسی اور کے تیر کا نشان نہ ہو تو اگر مرضی ہوتو کھا سکتے ہو اور جب شکار پر کتا چھوڑا ہو تو چھوڑتے وقت بسم اللہ پڑھ لو، اگر وہ شکار اس حالت میں مر بھی گیا ہو تو اس کو کھا لو اور اگر کتا شکار میں سے کچھ کھا لے، تو پھر نہ کھانا، کیونکہ یہ کتے نے اپنے لیے روکا ہے، شکاری کے لیے نہیں روکا، اگر کتا شکار کے لیے چھوڑا ہے اور اس کے ساتھ دوسرے کتے بھی مل جل گئے ہوں، جن کو چھوڑتے وقت بسم اللہ نہ پڑھی گئی ہو تو پھر اس کو نہیں کھانا، کیونکہ معلوم نہیں کہ ان میں سے کس نے شکار ماراہے۔

Hadith in English

.