Hadith in Arabic

(۷۵۶۰)۔عَنْ عَبْدِ اللّٰہِ بْنِ الدَّیْلَمِیِّ قَالَ: دَخَلْتُ عَلٰی عَبْدِ اللّٰہِ بْنِ عَمْرٍو وَہُوَ فِی حَائِطٍ لَہُ بِالطَّائِفِ یُقَالُ لَہُ: الْوَہْطُ وَہُوَ مُخَاصِرٌ فَتًی مِنْ قُرَیْشٍ یُزَنُّ بِشُرْبِ الْخَمْرِ، فَقُلْتُ: بَلَغَنِی عَنْکَ حَدِیثٌ أَنَّ مَنْ شَرِبَ شَرْبَۃَ خَمْرٍ لَمْ یَقْبَلِ اللّٰہُ لَہُ تَوْبَۃً أَرْبَعِینَ صَبَاحًا، وَأَنَّ الشَّقِیَّ مَنْ شَقِیَ فِی بَطْنِ أُمِّہِ، وَأَنَّہُ مَنْ أَتٰی بَیْتَ الْمَقْدِسِ لَا یَنْہَزُہُ إِلَّا الصَّلَاۃُ فِیہِ خَرَجَ مِنْ خَطِیئَتِہِ مِثْلَ یَوْمِ وَلَدَتْہُ أُمُّہُ، فَلَمَّا سَمِعَ الْفَتٰی ذِکْرَ الْخَمْرِ اجْتَذَبَ یَدَہُ مِنْ یَدِہِ ثُمَّ انْطَلَقَ ثُمَّ قَالَ عَبْدُ اللّٰہِ بْنُ عَمْرٍو: إِنِّی لَا أُحِلُّ لِأَحَدٍ أَنْ یَقُولَ عَلَیَّ مَا لَمْ أَقُلْ سَمِعْتُ رَسُولَ اللّٰہِ صَلَّی اللّٰہُ عَلَیْہِ وَسَلَّمَ یَقُولُ: ((مَنْ شَرِبَ مِنَ الْخَمْرِ شَرْبَۃً لَمْ تُقْبَلْ لَہُ صَلَاۃٌ أَرْبَعِینَ صَبَاحًا، فَإِنْ تَابَ تَابَ اللّٰہُ عَلَیْہِ، فَإِنْ عَادَ لَمْ تُقْبَلْ لَہُ صَلَاۃٌ أَرْبَعِینَ صَبَاحًا، فَإِنْ تَابَ تَابَ اللّٰہُ عَلَیْہِ، فَإِنْ عَادَ قَالَ فَلَا أَدْرِی فِی الثَّالِثَۃِ أَوْ فِی الرَّابِعَۃِ، فَإِنْ عَادَ کَانَ حَقًّا عَلَی اللّٰہِ أَنْ یَسْقِیَہُ مِنْ رَدْغَۃِ الْخَبَالِ یَوْمَ الْقِیَامَۃِ۔)) (مسند احمد: ۶۶۴۴)

Hadith in Urdu

۔ عبد اللہ بن دیلمی کہتے ہیں: میں سیدنا عبد اللہ بن عمرو بن عاص ‌رضی ‌اللہ ‌عنہماکے پاس داخل ہوا، وہ طائف میں اپنے وہط نامی ایک باغ میں تھے،ان کے پہلو میں قریش کا ایک نوجوان بیٹھا ہوا تھا، جس پر شراب نوشی کی تہمت تھی، میں نے کہا: اے عبد اللہ ! مجھے آپ سے ایک حدیث پہنچی ہے کہ جس نے شراب کا ایک گھونٹ پیا، اللہ تعالیٰ چالیس دن تک اس کی توبہ قبول نہیں کرتے اور بدبخت وہ جو ماں کے پیٹ ہی سے بدبخت ہو اور جو بیت المقدس میں آئے، جبکہ اس کا یہ آنا صرف نماز کے لیے ہو، تو وہ اپنی خطاؤں سے اس طرح نکل جاتا ہے، جس طرح آج اس کی ماں نے اسے جنم دیا ہو، جب اس نوجوان نے شراب کی سزا کا ذکر سنا تو اس نے سیدنا عبد اللہ کے ہاتھ سے اپنا ہاتھ کھینچ لیا اور چل دیا، پھر سیدنا عبد اللہ بن عمرو ‌رضی ‌اللہ ‌عنہمانے کہا: میں کسی کو اپنے اوپر وہ بات کہنے کی اجازت نہیں دے سکتا، جو میں نے نہیں کہی، میں نے اللہ کے رسول ‌صلی ‌اللہ ‌علیہ ‌وآلہ ‌وسلم کو یہ فرماتے ہوئے سنا: جس نے شراب کا گھونٹ پیا، اللہ تعالیٰ اس کی چالیس دن کی نماز قبول نہیں کرے گا، اگر وہ توبہ کرے تو اللہ تعالیٰ اس کی توبہ قبول کر لے گا، اگر وہ دوبارہ پیے گا تو چالیس دن کی نماز قبول نہیں ہو گی، اگر وہ توبہ کرے گا تو اللہ تعالیٰ اس کی توبہ قبول کر لے گا، اگر وہ پھر لوٹے، مجھے یاد نہیں کہ تیسری یا چوتھی مرتبہ ذکر کیا، اس کے بعد فرمایا: اگر اس کے بعد بھی کوئی پیے تو اللہ تعالیٰ کا حق بنتا ہے کہ اسے دوزخیوں کی پیپ سے جاری ہونے والی نہر سے پلائے گا۔

Hadith in English

.