Hadith in Arabic

(۷۳۳۱)۔عَنْ صَالِحٍ یَعْنِی ابْنَ یَحْیَی بْنِ الْمِقْدَامِ عَنْ جَدِّہِ الْمِقْدَامِ بْنِ مَعْدِی کَرِبَ قَالَ غَزَوْنَا مَعَ خَالِدِ بْنِ الْوَلِیدِ الصَّائِفَۃَ فَقَرِمَ أَصْحَابُنَا إِلَی اللَّحْمِ فَسَأَلُونِی فَقَالُوا: أَتَأْذَنُ لَنَا أَنْ نَذْبَحَ رَمْکَۃً لَہُ فَدَفَعْتُہَا إِلَیْہِمْ فَحَبَلُوہَا ثُمَّ قُلْتُ: مَکَانَکُمْ حَتّٰی آتِیَ خَالِدًا فَأَسْأَلَہُ قَالَ فَأَتَیْتُہُ فَسَأَلْتُہُ فَقَالَ غَزَوْنَا مَعَ رَسُولِ اللّٰہِ صَلَّی اللّٰہُ عَلَیْہِ وَسَلَّمَ غَزْوَۃَ خَیْبَرَ فَأَسْرَعَ النَّاسُ فِی حَظَائِرِ یَہُودَ فَأَمَرَنِی أَنْ أُنَادِیَ ’’اَلصَّلَاۃُ جَامِعَۃٌ‘‘ وَلَا یَدْخُلُ الْجَنَّۃَ إِلَّا مُسْلِمٌ ثُمَّ قَالَ: ((أَیُّہَا النَّاسُ إِنَّکُمْ قَدْ أَسْرَعْتُمْ فِی حَظَائِرِ یَہُودَ أَلَا لَا تَحِلُّ أَمْوَالُ الْمُعَاہَدِینَ إِلَّا بِحَقِّہَا وَحَرَامٌ عَلَیْکُمْ لُحُومُ الْحُمُرِ الْأَہْلِیَّۃِ وَخَیْلِہَا وَبِغَالِہَا وَکُلِّ ذِی نَابٍ مِنَ السِّبَاعِ وَکُلِّ ذِی مِخْلَبٍ مِنَ الطَّیْرِ۔)) (مسند احمد: ۱۶۹۴۰)

Hadith in Urdu

۔ سیدنا مقدام بن معدیکرب ‌رضی ‌اللہ ‌عنہ بیان کرتے ہیں کہ ہم نے سیدنا خالد بن ولید ‌رضی ‌اللہ ‌عنہ کے ساتھ مل کر گرمیوں میں غزوہ کیا، ہمارے ساتھیوں کو گوشت کھانے کی بہت چاہت ہوئی، انہوں نے کہا: کیا آپ ہمیں اجازت دیتے ہیں کہ ہم گھوڑی ذبح کر لیں، انہوں نے انہیں دیئے اور رسیوں میں باندھ دیئے، پھر میں نے کہا: ٹھہر جائیں، میں سیدنا خالد ‌رضی ‌اللہ ‌عنہ کے پاس جاتا ہوں اور ان سے پوچھتا ہوں، میں نے ان سے پوچھا تو انہوں نے کہا: ہم نے نبی کریم ‌صلی ‌اللہ ‌علیہ ‌وآلہ ‌وسلم کے ساتھ مل کر غزوہ خیبرکیا، لوگوں نے بہت ہی تیز رفتاری سے یہودیوں کے باڑوں کی طرف پیش قدمی کی، آپ نے مجھے حکم دیا کہ میں لوگوں کو جمع کرنے کے لیے یہ آواز دوں: اَلصَّلَاۃُ جَامِعَۃٌ اور کہوں کہ جنت میں صرف مسلمان داخل ہو گا، پھر آپ ‌صلی ‌اللہ ‌علیہ ‌وآلہ ‌وسلم نے فرمایا: اے لوگو! تم نے یہودیوں کے باڑوں کی جانب بڑھنے میں بہت زیادہ تیز رفتاری کا مظاہرہ کیا ہے، خبردار! ذمیوں کا مال تمہارے لیے حلال نہیں ہے، مگر حق کے ساتھ اور تم پر گھریلو گدھوں، گھوڑوں اور خچروں کا گوشت، ہر کچلی والا درندہ اور پنجے سے شکار کرنے والا ہر پرندہ تم پر حرام ہے۔

Hadith in English

.