Hadith in Arabic

۔ (۴۹۸۳)۔ عَنْ أَبِی وَائِلٍ، عَنْ ابْنِ مُعَیْزٍ السَّعْدِیِّ، قَالَ: خَرَجْتُ أَسْقِی فَرَسًا لِی فِی السَّحَرِ، فَمَرَرْتُ بِمَسْجِدِ بَنِی حَنِیفَۃَ، وَہُمْ یَقُولُونَ إِنَّ مُسَیْلِمَۃَ رَسُولُ اللّٰہِ، فَأَتَیْتُ عَبْدَ اللّٰہِ فَأَخْبَرْتُہُ، فَبَعَثَ الشُّرْطَۃَ فَجَائُ وْا بِہِمْ فَاسْتَتَابَہُمْ فَتَابُوا فَخَلّٰی سَبِیلَہُمْ، وَضَرَبَ عُنُقَ عَبْدِ اللّٰہِ بْنِ النَّوَّاحَۃِ، فَقَالُوْا: آخَذْتَ قَوْمًا فِی أَمْرٍ وَاحِدٍ، فَقَتَلْتَ بَعْضَہُمْ وَتَرَکْتَ بَعْضَہُمْ، قَالَ: إِنِّی سَمِعْتُ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم وَقَدِمَ عَلَیْہِ ہٰذَا وَابْنُ أُثَالِ بْنِ حَجَرٍ، فَقَالَ: ((أَتَشْہَدَانِ أَنِّی رَسُولُ اللّٰہِ۔)) فَقَالَا: نَشْہَدُ أَنَّ مُسَیْلِمَۃَ رَسُولُ اللّٰہِ، فَقَالَ النَّبِیُّ ‌صلی ‌اللہ ‌علیہ ‌وآلہ ‌وسلم : ((آمَنْتُ بِاللّٰہِ وَرُسُلِہِ لَوْ کُنْتُ قَاتِلًا وَفْدًا لَقَتَلْتُکُمَا۔)) قَالَ: فَلِذٰلِکَ قَتَلْتُہٗ۔ (مسند أحمد: ۳۸۳۷)

Hadith in Urdu

۔ ابن معیز سعدی سے مروی ہے، وہ کہتے ہیں: میں سحری کے وقت اپنے گھوڑے کو پانی پلانے کے لیے نکلا، جب میں بنو حنیفہ مسجد کے پاس سے گزرا تو ان کو یہ کہتے ہوئے سنا: بیشک مسیلمہ اللہ کا رسول ہے، میں سیدنا عبد اللہ ‌رضی ‌اللہ ‌عنہ کے پاس آیا اور ان کو اس واقعہ کی خبردی، انھوں نے لشکر کو بھیجا، وہ ان کو پکڑ کر لے آئے، انھوں نے ان سے توبہ کرنے کا مطالبہ کیا اور انھوں نے توبہ کر لی اور انھوں نے ان کو آزاد کر دیا، لیکن عبد اللہ بن نواحہ کا سر قلم کر دیا، انھوں نے کہا: یہ کیا ہوا کہ تم نے ایک قوم کو ایک جرم میں پکڑا، پھر کسی کو قتل کر دیا اور کسی کو چھوڑ دیا، میں رسول اللہ ‌صلی ‌اللہ ‌علیہ ‌وآلہ ‌وسلم کے پاس موجود تھا، یہ آدمی اور ابن اثال بن حجر ،آپ ‌صلی ‌اللہ ‌علیہ ‌وآلہ ‌وسلم کے پاس آئے، آپ ‌صلی ‌اللہ ‌علیہ ‌وآلہ ‌وسلم نے ان سے کہا: کیا تم دونوں یہ گواہی دیتے ہو کہ میں اللہ کا رسول ہوں؟ انھوں نے کہا: ہم یہ گواہی دیتے ہیں کہ بیشک مسیلمہ اللہ کا رسول ہے، نبی کریم ‌صلی ‌اللہ ‌علیہ ‌وآلہ ‌وسلم نے یہ سن کر فرمایا: میں اللہ اور اس کے رسولوں پر ایمان لایا ہوں، اگر میں نے کسی وفد کو قتل کرنا ہوتا تو تم دونوں کو قتل کر دیتا۔ انھوں نے کہا: اسی وجہ سے تو میں نے اس کو قتل کیا ہے۔

Hadith in English

.