Hadith in Arabic

۔ (۱۲۴۳۶)۔ عَنْ أَبِی الْعَالِیَۃِ الْبَرَّائِ قَالَ: أَخَّرَ ابْنُ زِیَادٍ الصَّلَاۃَ، فَأَتَانِی عَبْدُ اللّٰہِ بْنُ الصَّامِتِ، فَأَلْقَیْتُ لَہُ کُرْسِیًّا، فَجَلَسَ عَلَیْہِ، فَذَکَرْتُ لَہُ صَنِیعَ ابْنِ زِیَادٍ، فَعَضَّ عَلٰی شَفَتِہِ وَضَرَبَ فَخِذِی، وَقَالَ: إِنِّی سَأَلْتُ أَبَا ذَرٍّ کَمَا سَأَلْتَنِی فَضَرَبَ فَخِذِی کَمَا ضَرَبْتُ عَلٰی فَخِذِکَ، وَقَالَ: إِنِّی سَأَلْتُ رَسُولَ اللّٰہِ صَلَّی اللّٰہُ عَلَیْہِ وَسَلَّمَ کَمَا سَأَلْتَنِی فَضَرَبَ فَخِذِی کَمَا ضَرَبْتُ فَخِذَکَ، فَقَالَ: ((صَلِّ الصَّلَاۃَ لِوَقْتِہَا، فَإِنْ أَدْرَکَتْکَ مَعَہُمْ فَصَلِّ وَلَا تَقُلْ اِنِّیْ قَدْ صَلَّیْتُ، وَلَا اُصَلِّیْ۔)) (مسند احمد: ۲۱۷۵۳)

Hadith in Urdu

ابو عالیہ براء سے روایت ہے، وہ کہتے ہیں:عبداللہ بن زیاد نے نماز کو مؤخر کر دیا، عبداللہ بن صامت میرے پاس آئے، میں نے ان کے لیے کرسی بچھا دی، وہ اس پر تشریف فرما ہوئے تو میں نے ابن زیاد کے اس کام کا ان کے سامنے تذکرہ کردیا، تو وہ اپنے ہونٹ کاٹنے لگے اور میری ران پر ہاتھ مار کر کہا: جیسے تم نے مجھ سے یہ بات پوچھی ہے، اسی طرح میں نے بھی سیدنا ابو ذر ‌رضی ‌اللہ ‌عنہ سے کہا تھا: انہوں نے بھی میری ران پر اسی طرح ہاتھ مارا تھا، جیسے میں نے تمہاری ران پر ہاتھ مارا ہے، انہوں نے کہا: میں نے رسول اللہ ‌صلی ‌اللہ ‌علیہ ‌وآلہ ‌وسلم سے وہی سوال کیا تھا جو تم نے مجھ سے کیا ہے اور آپ ‌صلی ‌اللہ ‌علیہ ‌وآلہ ‌وسلم نے میری ران پر اسی طرح ہاتھ مارا، جیسے میں نے تیری ران پر مارا ہے، پھر آپ ‌صلی ‌اللہ ‌علیہ ‌وآلہ ‌وسلم نے فرمایا: تم وقت پر نماز ادا کر لینا، اس کے بعد اگر ان کے ساتھ بھی نماز پڑھنے کا موقع مل جائے تو نماز پڑھ لینا اور یہ نہ کہنا کہ میں نے نماز پڑھ لی ہے، اس لیے نہیں پڑھتا۔

Hadith in English

.