Hadith in Arabic

۔ (۱۲۳۶۵)۔ عَنْ أَبِی سَلَمَۃَ، قَالَ: جَائَ رَجُلٌ إِلـٰـی أَبِــی سَعِیدٍ فَقَالَ: ہَلْ سَمِعْتَ رَسُولَ اللّٰہِ صَلَّی اللّٰہُ عَلَیْہِ وَسَلَّمَ یَذْکُرُ فِی الْحَرُورِیَّۃِ شَیْئًا؟ قَالَ: سَمِعْتُہُ یَذْکُرُ قَوْمًا یَتَعَمَّقُونَ فِی الدِّینِیَحْقِرُ أَحَدُکُمْ صَلَاتَہُ عِنْدَ صَلَاتِہِمْ، وَصَوْمَہُ عِنْدَ صَوْمِہِمْ، یَمْرُقُونَ مِنَ الدِّینِ کَمَا یَمْرُقُ السَّہْمُ مِنَ الرَّمِیَّۃِ، أَخَذَ سَہْمَہُ فَنَظَرَ فِی نَصْلِہِ فَلَمْ یَرَ شَیْئًا، ثُمَّ نَظَرَ فِی رُصَافِہِ فَلَمْ یَرَ شَیْئًا، ثُمَّ نَظَرَ فِی قِدْحَتِہِ فَلَمْ یَرَ شَیْئًا، ثُمَّ نَظَرَ فِی الْقُذَذِ فَتَمَارٰی ہَلْ یَرٰی شَیْئًا أَمْ لَا۔ (مسند احمد: ۱۱۳۱۱)

Hadith in Urdu

ابو سلمہ سے مروی ہے کہ ایک آدمی ابو سعید ‌رضی ‌اللہ ‌عنہ کی خدمت میں آیا اور اس نے کہا کہ کیا آپ نے رسول اللہ ‌صلی ‌اللہ ‌علیہ ‌وآلہ ‌وسلم کو حروریوں یعنی خوارج کی بابت کچھ بیان کرتے ہوئے سنا ہے؟ انہوں نے کہا: میں نے آپ ‌صلی ‌اللہ ‌علیہ ‌وآلہ ‌وسلم کو سنا، آپ ‌صلی ‌اللہ ‌علیہ ‌وآلہ ‌وسلم نے ان کا ذکر کرتے ہوئے فرمایا کہ یہ لوگ دین میں بہت زیادہ باریکیوں اور گہرائی میں جائیں گے اور وہ اس قدر نیک ہوں گے کہ تم ان کے مقابلہ میں اپنی نمازوں کو اور اپنے روزوں کو معمولی سمجھو گے، لیکن وہ دین سے یوں صاف نکل جائیں گے، جیسے تیر شکار میں سے اس طرح تیزی کے ساتھ نکل جاتا ہے کہ شکاری اپنے تیر کو اٹھا کر اس کو دیکھتا ہے، لیکن اس میں کوئی اثر نظر نہیں آتا، پھر وہ اس کے پھل کا جائزہ لیتا ہے، لیکن وہ کوئی علامت دیکھ نہیں پاتا،پھر وہ اس کے بعد والے حصے کو دیکھتا ہے اس میں بھی کوئی اثر نظر نہیں آتا پھر پروں کو بھی اچھی طرح دیکھتا ہے، اور وہ اس بارے متردد ہو جاتا ہے کہ کیا کوئی اثر ہے یا نہیں۔

Hadith in English

.