Hadith in Arabic

۔ (۱۲۲۳۸)۔ عَنْ عَائِشَۃَ، قَالَتْ: کُنْتُ عِنْدَ النَّبِیِّ صَلَّی اللّٰہُ عَلَیْہِ وَسَلَّمَ فَقَالَ: ((یَا عَائِشَۃُ! لَوْ کَانَ عِنْدَنَا مَنْ یُحَدِّثُنَا۔)) قَالَتْ: قُلْتُ: یَا رَسُولَ اللّٰہِ! أَلَا أَبْعَثُ إِلٰی أَبِی بَکْرٍ؟ فَسَکَتَ ثُمَّ قَالَ: ((لَوْ کَانَ عِنْدَنَا مَنْ یُحَدِّثُنَا۔)) فَقُلْتُ: أَلَا أَبْعَثُ إِلٰی عُمَرَ؟ فَسَکَتَ، قَالَتْ: ثُمَّ دَعَا وَصِیفًا بَیْنَیَدَیْہِ فَسَارَّہُ فَذَہَبَ، قَالَتْ: فَإِذَا عُثْمَانُ یَسْتَأْذِنُ فَأَذِنَ لَہُ، فَدَخَلَ فَنَاجَاہُ النَّبِیُّ صَلَّی اللّٰہُ عَلَیْہِ وَسَلَّمَ طَوِیلًا، ثُمَّ قَالَ: ((یَا عُثْمَانُ! إِنَّ اللّٰہَ عَزَّ وَجَلَّ مُقَمِّصُکَ قَمِیصًا، فَإِنْ أَرَادَکَ الْمُنَافِقُونَ عَلٰی أَنْ تَخْلَعَہُ فَلَا تَخْلَعْہُ لَہُمْ وَلَا کَرَامَۃَ۔)) یَقُولُہَا لَہُ مَرَّتَیْنِ أَوْ ثَلَاثًا۔ (مسند احمد: ۲۴۹۷۰)

Hadith in Urdu

سیدہ عائشہ ‌رضی ‌اللہ ‌عنہا سے مروی ہے، وہ کہتی ہیں: میں نبی کریم ‌صلی ‌اللہ ‌علیہ ‌وآلہ ‌وسلم کے پاس موجود تھی، آپ ‌صلی ‌اللہ ‌علیہ ‌وآلہ ‌وسلم نے فرمایا: عائشہ! کاش ہمارے پاس کوئی ایسا آدمی ہوتا جو ہمارے ساتھ باتیں کرتا۔ میں نے کہا: اللہ کے رسول! کیا میں ابوبکر ‌رضی ‌اللہ ‌عنہ کو پیغام بھیج دوں؟ آپ ‌صلی ‌اللہ ‌علیہ ‌وآلہ ‌وسلم خاموش رہے، کچھ دیر بعد آپ ‌صلی ‌اللہ ‌علیہ ‌وآلہ ‌وسلم نے پھر فرمایا: کاش ہمارے پاس کوئی آدمی ہوتا جو ہمارے ساتھ باتیں کرتا۔ میں نے کہا: کیا میں عمر ‌رضی ‌اللہ ‌عنہ کو پیغام بھیج دوں؟ لیکن آپ اس بار بھی خاموش رہے، کچھ دیر بعد آپ ‌صلی ‌اللہ ‌علیہ ‌وآلہ ‌وسلم نے خادم کو بلوایا اور راز دارنہ انداز میں اس کے ساتھ کوئی بات کی، وہ چلا گیا،تھوڑا وقت ہی گزرا تھا کہ سیدنا عثمان ‌رضی ‌اللہ ‌عنہ نے اندر آنے کی اجازت طلب کی، آپ ‌صلی ‌اللہ ‌علیہ ‌وآلہ ‌وسلم نے انہیں اجازت دی اور وہ اندر تشریف لے آئے، نبی کریم ‌صلی ‌اللہ ‌علیہ ‌وآلہ ‌وسلم کافی دیر تک ان کے ساتھ سرگوشی کرتے رہے، پھر آپ ‌صلی ‌اللہ ‌علیہ ‌وآلہ ‌وسلم نے فرمایا: عثمان! اللہ تعالیٰ تمہیں ایک قمیص پہنائے گا، اگر منافقین اس قمیص کو اتارنے کا مطالبہ کریں تو ان کے کہنے پر تم اسے نہ اتارنا، کیونکہ اس کے اتارنے میں کوئی عزت نہیں رہے گی۔ آپ ‌صلی ‌اللہ ‌علیہ ‌وآلہ ‌وسلم نے یہ بات دو تین مرتبہ ارشاد فرمائی۔

Hadith in English

.