Hadith in Arabic

۔ (۱۲۱۶۶)۔ عَنْ حُمَیْدِ بْنِ عَبْدِ الرَّحْمٰنِ، قَالَ: تُوُفِّیَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ، وَأَبُو بَکْرٍ فِی طَائِفَۃٍ مِنَ الْمَدِینَۃِ، قَالَ: فَجَائَ فَکَشَفَ عَنْ وَجْہِہِ فَقَبَّلَہُ وَقَالَ: فِدَاکَ أَبِی وَأُمِّی، مَا أَطْیَبَکَ حَیًّا وَمَیِّتًا، مَاتَ مُحَمَّدٌ ‌صلی ‌اللہ ‌علیہ ‌وآلہ ‌وسلم ، وَرَبِّ الْکَعْبَۃِ، فَذَکَرَ الْحَدِیثَ، قَالَ: فَانْطَلَقَ أَبُو بَکْرٍ وَعُمَرُ یَتَقَاوَدَانِ حَتّٰی أَتَوْہُمْ، فَتَکَلَّمَ أَبُو بَکْرٍ وَلَمْ یَتْرُکْ شَیْئًا أُنْزِلَ فِی الْأَنْصَارِ، وَلَا ذَکَرَہُ رَسُولُ اللّٰہِ صَلَّی اللّٰہُ عَلَیْہِ وَسَلَّمَ مِنْ شَأْنِہِمْ إِلَّا وَذَکَرَہُ، وَقَالَ: وَلَقَدْ عَلِمْتُمْ أَنَّ رَسُولَ اللّٰہِ صَلَّی اللّٰہُ عَلَیْہِ وَسَلَّمَ قَالَ: ((لَوْ سَلَکَ النَّاسُ وَادِیًا، وَسَلَکَتِ الْأَنْصَارُ وَادِیًا، سَلَکْتُ وَادِیَ الْأَنْصَارِ۔)) وَلَقَدْ عَلِمْتَ یَا سَعْدُ! أَنَّ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم قَالَ وَأَنْتَ قَاعِدٌ: ((قُرَیْشٌ وُلَاۃُ ہٰذَا الْأَمْرِ، فَبَرُّ النَّاسِ تَبَعٌ لِبَرِّہِمْ، وَفَاجِرُہُمْ تَبَعٌ لِفَاجِرِہِمْ۔)) قَالَ: فَقَالَ لَہُ سَعْدٌ: صَدَقْتَ نَحْنُ الْوُزَرَائُ وَأَنْتُمُ الْأُمَرَائُ۔ (مسند احمد: ۱۸)

Hadith in Urdu

حمید بن عبدالرحمن کہتے ہیں کہ جب رسول اللہ ‌صلی ‌اللہ ‌علیہ ‌وآلہ ‌وسلم کا انتقال ہوا تو اس وقت سیدنا ابو بکر ‌رضی ‌اللہ ‌عنہ مدینہ منورہ کے کسی نواحی علاقے میں تھے، پس وہ آئے اور آپ کے چہرۂ اقدس سے چادر ہٹائی، آپ ‌صلی ‌اللہ ‌علیہ ‌وآلہ ‌وسلم کو بوسہ دیا اور فرمایا: میرے والدین آپ پر فدا ہوں، آپ کس قدر پاکیزہ ہیں، زندہ ہوں یا میت، رب کعبہ کی قسم! محمد ‌صلی ‌اللہ ‌علیہ ‌وآلہ ‌وسلم وفات پاگئے ہیں، پھر راوی نے حدیث ذکر کی، ایک اقتباس یہ تھا: پھر ابو بکر ‌رضی ‌اللہ ‌عنہ اور عمر ‌رضی ‌اللہ ‌عنہ چلتے چلتے انصاری لوگوں کے پاس پہنچ گئے، ابو بکر ‌رضی ‌اللہ ‌عنہ نے گفتگو کی اور انصار کے حق میں جو کچھ نازل ہوا تھا اور رسول اللہ ‌صلی ‌اللہ ‌علیہ ‌وآلہ ‌وسلم نے جو کچھ ان کے بارے میں بیان فرمایا تھا، ان سب فضائل کا ذکر کیا اور ان میں سے کوئی بات بھی نہ چھوڑی، سیدنا ابو بکر ‌رضی ‌اللہ ‌عنہ نے کہا: تم جانتے ہو کہ رسول اللہ ‌صلی ‌اللہ ‌علیہ ‌وآلہ ‌وسلم نے تمہارے حق میں فرمایا تھا: اگر لوگ ایک وادی میں چلیں اور انصار دوسری وادی میں چلیں تو میں انصار والی وادی میں چلو ں گا۔ اے سعد! تم بھی موجود تھے، جب رسول اللہ ‌صلی ‌اللہ ‌علیہ ‌وآلہ ‌وسلم نے فرمایا تھا کہ قریش اس اقتدار کے حقدار اور اہل ہیں، نیک لوگ نیک قریشیوں کے تابع ہیں اور فاجر لوگ فاجر قریشیوں کے۔ یہ سن کر سیدنا سعد ‌رضی ‌اللہ ‌عنہ نے کہا: آپ نے درست کہا، امیر حکمران آپ ہوں گے اور ہم آپ کے وزیر ہوں گے۔

Hadith in English

.