Hadith in Arabic

۔ (۱۱۹۴۶)۔ عَنِ ابْنِ مَسْعُودٍ قَالَ: جَائَ الْعَاقِبُ وَالسَّیِّدُ صَاحِبَا نَجْرَانَ، قَالَ: وَأَرَادَا أَنْ یُلَاعِنَا رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم قَالَ: فَقَالَ أَحَدُہُمَا لِصَاحِبِہِ: لَا تُلَاعِنْہُ فَوَاللّٰہِ! لَئِنْ کَانَ نَبِیًّا فَلَعَنَّا، قَالَ خَلَفٌ: فَلَاعَنَّا لَا نُفْلِحُ نَحْنُ وَلَا عَقِبُنَا أَبَدًا، قَالَ: فَأَتَیَاہُ فَقَالَا: لَا نُلَاعِنُکَ وَلٰکِنَّا نُعْطِیکَ مَا سَأَلْتَ، فَابْعَثْ مَعَنَا رَجُلًا أَمِینًا، فَقَالَ النَّبِیُّ ‌صلی ‌اللہ ‌علیہ ‌وآلہ ‌وسلم ((لَأَبْعَثَنَّ رَجُلًا أَمِینًا حَقَّ أَمِینٍ حَقَّ أَمِینٍ۔)) قَالَ: فَاسْتَشْرَفَ لَہَا أَصْحَابُ مُحَمَّدٍ، قَالَ: فَقَالَ: ((قُمْ یَا أَبَا عُبَیْدَۃَ بْنَ الْجَرَّاحِ۔)) قَالَ: فَلَمَّا قَفٰی، قَال: ((ھٰذَا أَمِیْنُ ھٰذِہِ الْاُمَّۃِ۔)) (مسند احمد: ۳۹۳۰)

Hadith in Urdu

ابن مسعود ‌رضی ‌اللہ ‌عنہ سے مروی ہے کہ نجران کے حاکم کے دونمائندے عاقب اور سید آئے، وہ رسول اللہ ‌صلی ‌اللہ ‌علیہ ‌وآلہ ‌وسلم کے ساتھ ملاعنت یعنی مباہلہ کرنا چاہتے تھے، لیکن ان میں سے ایک نے دوسرے سے کہا:اس محمد ( ‌صلی ‌اللہ ‌علیہ ‌وآلہ ‌وسلم ) سے مباہلہ نہ کرو۔ اللہ کی قسم! اگر یہ سچا نبی ہوا اور ہم نے ان سے مباہلہ کر لیا تو نہ ہم فلاح پائیں گے اور نہ ہمارے بعد ہماری نسل فلاح پاسکے گی۔ انہوں نے آپ ‌صلی ‌اللہ ‌علیہ ‌وآلہ ‌وسلم کی خدمت میں حاضر ہو کر عرض کیا: ہم آپ سے مباہلہ نہیں کرتے،البتہ ہم آپ کا مطالبہ پورا کر دیتے ہیں، آپ کسی امین آدمی کو ہمارے ساتھ روانہ کریں تاکہ ہم صلح نامہ کے مطابق طے شدہ مال اسے ادا کر دیں،نبی کریم ‌صلی ‌اللہ ‌علیہ ‌وآلہ ‌وسلم نے فرمایا: میں تمہارے ساتھ ایک ایسے آدمی کو بھیجوں گا جو صحیح معنوں میں امین اور دیانت دار ہے۔ یہ سن کر سب صحابہ نے نظریں اٹھا اٹھا کر رسول اللہ ‌صلی ‌اللہ ‌علیہ ‌وآلہ ‌وسلم کیطرف دیکھا (کہ یہ منصب کس خوش نصیب کو ملتا ہے) پس آپ ‌صلی ‌اللہ ‌علیہ ‌وآلہ ‌وسلم نے فرمایا: ابو عبیدہ! اٹھو۔ جب سیدنا ابو عبیدہ ‌رضی ‌اللہ ‌عنہ ان کے ساتھ روانہ ہوگئے تو نبی کریم ‌صلی ‌اللہ ‌علیہ ‌وآلہ ‌وسلم نے فرمایا: یہ ابو عبیدہ ‌رضی ‌اللہ ‌عنہ اس امت کا امین اور قابل اعتماد آدمی ہے۔ سیدنا حذیفہ بن یمان ‌رضی ‌اللہ ‌عنہ نے بھی نبی کریم ‌صلی ‌اللہ ‌علیہ ‌وآلہ ‌وسلم سے گزشتہ حدیث کی مانند روایت بیان کی ہے۔

Hadith in English

.