Hadith in Arabic

۔ (۱۰۶۱۱)۔ عَنْہٗاَیْضًا قَالَ: لَبِسَ عَلِیٌّ ثَوْبَ النَّبِیِّ ثُمَّّ نَامَ مَکَانَہُ، قَالَ: وَکَانَ الْمُشْرِکُوْنَ یَرْمُوْنَ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم فَجَائَ أَبُوْ بَکْرٍ وَعَلِیٌّ نَائِمٌ، قَالَ: وَأَبُوْ بَکْرٍ یَحْسَبُ أَنَّہُ نَبِیُّ اللّٰہِ، قَالَ: فَقَالَ: یَانَبِیَّ اللّٰہِ! قَالَ لَہُ عَلِیٌّ: اِنَّ نَبِیَّ اللّٰہِ ‌صلی ‌اللہ ‌علیہ ‌وآلہ ‌وسلم قَدِ انْطَلَقَ نَحْوَ بِئْرِ مَیْمُوْنٍ فَأَدْرِکْہُ، قَالَ: فَانْطَلَقَ أَبُوْ بَکْرٍ فَدَخَلَ مَعَہُ الْغَارَ، قَالَ: وَجَعَلَ عَلِیٌّیُرْمٰی بِالْحِجَارَۃِ کَمَا کَانَ یُرْمٰی نَبِیُّ اللّٰہِ وَھُوَ یَتَضَوَّرُ، قَدْ لَفَّ رَأْسَہُ فِی الثَّوْبِ لَا یَخْرُجُہُ حَتّٰی أَصْبَحَ ثُمَّّ کَشَفَ عَنْ رَأْسِہِ فَقَالُوْا: اِنَّکَ لَلَئِیْمٌ، کَانَ صَاحِبُکَ نَرْمِیْہِ فَـلَا یَتَضَوَّرُ وَأَنْتَ تَتَضَوَّرُ وَقَدِ اسْتَنْکَرْنَا ذٰلِکَ۔ (مسند احمد: ۳۰۶۱)

Hadith in Urdu

۔ سیدنا عبد اللہ بن عباس ‌رضی ‌اللہ ‌عنہما سے مروی ہے کہ سیدنا علی ‌رضی ‌اللہ ‌عنہ نے نبی کریم ‌صلی ‌اللہ ‌علیہ ‌وآلہ ‌وسلم کے کپڑے پہنے اور آپ ‌صلی ‌اللہ ‌علیہ ‌وآلہ ‌وسلم کی جگہ پر سو گئے، مشرک لوگ آپ ‌صلی ‌اللہ ‌علیہ ‌وآلہ ‌وسلم کو پتھر مارا کرتے تھے، اُدھر سے جب سیدنا ابو بکر ‌رضی ‌اللہ ‌عنہ آئے اور سیدنا علی ‌رضی ‌اللہ ‌عنہ سوئے ہوئے تھے، جبکہ ان کا خیال تھا کہ وہ اللہ کے نبی ہیں، اس لیے انھوں نے کہا: اے اللہ کے نبی! سیدنا علی ‌رضی ‌اللہ ‌عنہ نے آگے سے کہا: نبی ‌صلی ‌اللہ ‌علیہ ‌وآلہ ‌وسلم تو بئر میمون کی طرف نکل گئے ہیں، تم ان کو جا ملو، پس سیدنا ابو بکر ‌رضی ‌اللہ ‌عنہ اُدھر چل پڑے اور آپ ‌صلی ‌اللہ ‌علیہ ‌وآلہ ‌وسلم کے ساتھ غار میں داخل ہو گئے۔ جیسے نبی کریم ‌صلی ‌اللہ ‌علیہ ‌وآلہ ‌وسلم کو پتھر مارے جاتے تھے، اسی طرح سیدنا علی ‌رضی ‌اللہ ‌عنہ کو پتھر مارے جانے لگے، لیکن وہ تکلیف سے تڑپ اٹھتے تھے اور انھوں نے اپنے سر پر کپڑا لپیٹا ہوا تھا، انھوں نے سر کو باہر نہ نکالا یہاں تک کہ صبح ہو گئی، پھر جب انھوں نے سر سے کپڑا اتارا تو مشرکوں نے کہا: بیشک تو گھٹیا درجے کا ہے، جب ہم تیرے ساتھی کو مارتے تھے تو وہ نہیں تڑپتے تھے اور تو تڑپ اٹھتا تھا، ہم پہلے سے اس چیز کا انکار کر چکے ہیں (یعنی ہمیں پتہ چل گیا تھا کہ یہ سونے والا آدمی محمد نہیں ہے)۔

Hadith in English

.