Hadith in Arabic

عَبْد اللهِ بْنُ عُمَر يَقُولُ: كُنَّا عِنْدَ رَسُولِ اللهِ قُعُودًا نَذكرُ الْفِتَنَ فَأَكْثَرَ ذِكْرَهَا حَتَّى ذَكَرَ فِتْنَةَ الْأَحْلَاسِ فَقَالَ: قَائِلٌ: يَا رَسُولَ اللهِ! وَمَا فِتْنَةُ الْأَحْلَاسِ؟ قَالَ: فِتْنَةُ الْأَحْلَاسِ هِيَ فِتْنَةُ هَرَبٍ وَحَرْبٍ ثُمَّ فِتْنَةُ السَّرَّاءِ دَخْلُهَا أو دَخَنُهَا مِنْ تَحْتِ قَدَمَيْ رَجُلٍ مِنْ أَهْلِ بَيْتِي يَزْعُمُ أَنَّهُ مِنِّي وَلَيْسَ مِنِّي إِنَّمَا وَليـِيَ الْمُتَّقُونَ ثُمَّ يَصْطَلِحُ النَّاسُ عَلَى رَجُلٍ كَوَرِكٍ عَلَى ضِلَعٍ ثُمَّ فِتْنَةُ الدُّهَيْمَاءِ لَا تَدَعُ أَحَدًا مِنْ هَذِهِ الْأُمَّةِ إِلَّا لَطَمَتْهُ لَطْمَةً فَإِذَا قِيلَ: انْقَطعَتْ تَمَادَتْ يُصْبِحُ الرَّجُلُ فِيهَا مُؤْمِنًا وَيُمْسِي كَافِرًا حَتَّى يَصِيرَ النَّاسُ إِلَى فُسْطَاطَيْنِ: فُسْطَاطِ إِيمَانٍ لَا نِفَاقَ فِيهِ وَفُسْطَاطِ نِفَاقٍ لَا إِيمَانَ فِيهِ إِذَا كَانَ ذَاكُمْ فَانْتَظِرُوا الدَّجَّالَ مِنَ اليَوْم أَوْ غَدٍ.

Hadith in Urdu

عبداللہ بن عمر رضی اللہ عنہما سے مروی ہے کہتے ہیں کہ ہم رسول اللہ ‌صلی اللہ علیہ وسلم ‌کے پاس بیٹھے ہوئے فتنوں کا تذکرہ کر رہے تھے ۔ آپ نے بہت زیادہ فتنوں کا تذکرہ کیا حتی کہ احلاس کے فتنے کا ذکر کیا۔ کسی کہنے والے نے کہا: اے اللہ کے رسول! یہ فتنۃ الاحلاس کیا ہے؟ آپ ‌صلی اللہ علیہ وسلم ‌نے فرمایا: فتنۃ الاحلاس جنگ اور فرار کا فتنہ ہوگا۔ پھر فتنہ سراء ہوگا اس کی ابتداء یا اس کی حرارت میرے اہل بیت کے ایک فرد کے قدموں کے نیچے سے ہوگی جو سمجھتا ہوگا کہ وہ مجھ سے تعلق رکھتا ہے حالانکہ وہ مجھ سے تعلق نہیں رکھتا ہوگا۔ میرے دوست تو متقی لوگ ہیں، پھر لوگ ایک شخص پر صلح کر لیں گے،جس طرح پسلیوں پر سرین ہو(یعنی وہ آدمی اس قابل نہیں ہوگا)، پھر دھیماءبھیانک کا فتنہ ہوگا، اس امت کے ہر شخص کو جھنجوڑ کر رکھ دے گا۔ جب کہا جائے گا کہ یہ ختم ہوگیا ہے تو وہ اور طویل ہوجائے گا۔ آدمی اس میں صبح ایمان کی حالت میں ہوگا اور شام کو کفر کی حالت میں،حتی کہ لوگ دو گروہوں میں تقسیم ہو جائیں گے۔ ایمان کا گروہ جس میں کوئی نفاق نہیں ہوگا۔ اور نفاق کا گروہ جس میں کوئی ایمان نہیں ہوگا۔ جب تم ایسی صورتحال دیکھو تو اس دن یا دوسرے دن دجال کا انتظار کرو

Hadith in English

.