سوہا علی خان کو عام طور پر بالی وڈ فلموں میں دیکھا جا سکتا ہے مگر کبھی کبھی ان کو بنگالی اور انگلش زبان فلموں میں بھی دیکھا جا سکتا ہے۔ سوہا علی خان بالی وڈ فلم انڈسٹری کی لیجنڈ اداکارہ شرمیلا ٹیگور کی صاحبزادی ہیں۔ سوہا نے 2004ء میں بالی وڈ فلم ”دل مانگے مور“ سے اداکاری کا آغاز کیا۔ اور 2005ء میں بنگالی فلم ”انتار محل“ میں اداکاری کی۔ اس کے بعد سوہا علی خان نے بے شمار بالی وڈ فلموں میں ادکاری کے جوہر دکھائے اور اپنے چاہنے والوں سے خوب داد وصول کی۔ سوہا کی مشہور فلموں میں ”دل مانگے مور، شادی نمبر 1، کھویا کھویا چاند اور ممبئی میری جان“ وغیرہ شامل ہیں۔