ثانیہ سعید 28اگست 1972 میں کراچی میں پیدا ہوئیں۔ انہوں نے شو بز کیرئیر کا آغاز 1989ء میں ”آدھی دنیا“ سے کیا۔ اور وہ کراچی مرکز کی جانب سے نیٹ ورک ٹیلی ویژن مارکیٹنگ کی سب سے پہلی اناؤنسر تھیں۔اس کے بعد انہوں نے ڈرامہ سیریل” آہٹ“ میں کامیاب اداکاری کر کے اپنے چاہنے والوں سے خوب داد وصول کی اور 1991ء میں انہوں نے بہترین اداکارہ کا ایوارڈ حاصل کیا۔ثانیہ کے مشہور ٹی وی سیریلز میں ”تپش، آہٹ، ستارہ اور مہرالنساء، زیب النساء، اور زندگی بدلتی ہے، کہانیاں، شاید کے بہار آئے، تھوڑی سی محبت اور وعدہ“ وغیرہ شامل ہیں۔