چیف جسٹس نے ریمارکس دیتے ہوئے کہا کہ اس ضمن میں سیکرٹری داخلہ اور سیکرٹری خارجہ کو بھی طلب کیا جاسکتا ہے۔

عدالت کا کہنا تھا کہ اس مندر میں پاکستان اور ہندوستان کے علاوہ دنیا بھر سے ہندو برادری اپنی مذہبی رسومات ادا کرنے آتی ہے لیکن جب اس مندر میں مورتیاں نہیں ہوں گی تو وہ اقلیتی برادری کے بارے میں پاکستان سے کیا تاثر لے کر جائیں گے۔

منگل کے روز چیف جسٹس میاں ثاقب نثار کی سربراہی میں سپریم کورٹ کے تین رکنی بینچ نے کٹاس راج کی حالت زار کے بارے میں از خود نوٹس کی سماعت کی۔

’تالاب میں پانی بھریں چاہے مشکیں بھر بھر لائیں‘

کٹاس راج کا خشک تالاب

نامہ نگار شہزاد ملک نے بتایا کہ پاکستان کی عدالت عظمیٰ نے یہ از خود نوٹس چکوال میں سیمنٹ کی فیکٹریوں کی وجہ سے کٹاس راج میں موجود پانی کا تالاب خشک ہونے سے متعلق میڈیا پر آنے والی خبروں پر کیا تھا۔

ہندو مذہب کے ماننے والوں کا کہنا ہے کہ رام شیوا اپنی بیوی کی وفات پر بےتحاشا روئے تھے اور ان کے بہتے ہوئے آنسوں نے تالاب کی شکل اختیار کرلی تھی۔

یہ تالاب دو کنال اور 15 مرلہ پر محیط ہے اور اس کی گہرائی 20 فٹ ہے۔ یہ تالاب اب خشک پڑا ہے جس کو بھرنے کے لیے سپریم کورٹ نے پنجاب حکومت کو احکامات بھی جاری کیے ہیں۔

سماعت کے دوران عدالت کے استفسار پ