ملک بھر میں بجلی چوری روکنے کے لیے اسمارٹ میٹر لگانے کا فیصلہ

بجلی چوری کی روک تھام کیلیے ملک بھر میں بجلی کے اسمارٹ میٹر لگانے کا فیصلہ کیا ہے۔
تفصیلات کے مطابق ملک میں بجلی چوری کی روک تھام کے لیے حکومت کے اقدامات جاری ہیں۔
اس ضمن میں وزارت توانائی نے ایشیائی ترقیاتی بینک کے تعاون سے ملک بھر میں بجلی کے اسمارٹ میٹر لگانے کا فیصلہ کیا ہے۔
اسمارٹ میٹر لگانے کیلیے نوے کروڑ (900 ملین ) ڈالر درکار ہوں گے۔
اسمارٹ میٹرمنصوبے کے لیے پاور ڈویژن نے ایشیائی ترقیاتی بینک سے رابطہ کیا ہے۔
ایشیائی ترقیاتی بینک نے اسمارٹ میٹر پروگرام میں تعاون پر آمادگی ظاہر کی ہے۔
تاہم اس سے پہلے مسلم لیگ ن حکومت نے ایشیائی ترقیاتی بینک کے تعاون سے آئیسکو اور لیسکو کے لیے اسمارٹ میٹر
منصوبہ شروع کیا تھا جو تیکنیکی مسائل کی وجہ سے بند کر دیا گیا تھا۔
اسمارٹ میٹر پروگرام سے ملک میں بجلی چوری کے روک تھام میں مدد ملے گی۔
حکومت کی جانب سے کنڈا سسٹم کے خاتمے کے لیے اے بی سی تاریں بچھانے کا منصوبہ بھی زیر غور ہے۔