وزیراعظم عمران خان کا تلور کے شکار کے معاملے پر بھی یوٹرن

وزیراعظم عمران خان کا تلور کے شکار کے معاملے پر بھی یوٹرن

وزیر اعظم نے اس وقت خیبر پختونخوا میں برسر اقتدار اپنی جماعت کی حکومت کو تلور کے شکار کی اجازت دینے سے بھی منع کرچکے ہیں — فوٹو:فائل
اسلام آباد: وزیراعظم عمران خان ماضی میں تلور کے شکار کے مخالف رہے ہیں لیکن اب انہوں نے اس معاملے پر بھی یوٹرن لے لیا ہے۔

وزیراعظم عمران خان ماضی میں تلور کے شکار کے سخت مخالف رہے ہیں اور انہوں نے 2 سال قبل اُس وقت کی حکومت کی جانب سے تلور کے شکار کی اجازت دینے پر کہا تھا کہ کبھی سوچا بھی نہ تھا کہ ایسا بھی دن آئے گا، جب تلور کا شکار ہماری خارجہ پالیسی کا ستون بن جائے گا۔


بلوچستان میں جنگلی حیات کا تحفظ، تلور کے شکار کیلئے ضابطہ اخلاق پر عملدرآمد شروع

موجودہ وزیراعظم نے اس وقت خیبر پختونخوا میں برسر اقتدار اپنی جماعت کی حکومت کو تلور کے شکار کی اجازت دینے سے بھی منع کر چکے ہیں اور انہوں نے بلوچستان میں احتجاج کی حمایت بھی کی تھی۔

ماضی میں سخت مؤقف رکھنے والے وزیراعظم عمران خان کا اب اس معاملے پر مؤقف تبدیل ہو چکا ہے اور اور اب اُنہی کی حکومت میں قطری شہزادے کو شکار کا پروانہ مل گیا ہے۔